Ret-listo pri IFEF

Sur tiu ĉi paĝo, vi trovos la necesajn informojn por aboni la retliston pri IFEF.

La temo de tiu retlisto estas ĉio, kio rilatas al IFEF. Komence, ĝi povos estis uzata kaj por dissendi novaĵojn kaj por komuna interdiskutado. Se montriĝos, ke tro da mesaĝoj alvenas, aliajn retlistojn oni kreos (listoj por diskutado, por nura dissendo de novaĵoj, por IFEF-anoj, por komitatanoj, ktp.).

La celo estas plifaciligi disvastigadon de informoj ne nur interne de la federacio mem, sed ankaŭ al ekstere. Tiel espereble pli multaj kaj pli fruktodonaj estos la interŝanĝoj inter ĉiuj interesiĝantoj pri IFEF.

Al tiu listo povas aliĝi iu ajn, membro aŭ ne-membro de IFEF.

Praktike : (resumo aperos fine de ĉiu mesaĝo) Atentigo : por malhelpi spamadon, anstataŭ /a/ bonvolu legi la kutiman helikan @ Por aboni la liston : PLEJ SIMPLE : petu tion. Post kelkaj horoj (aŭ tagoj, se li forestas), vi ricevos mesaĝon kun titolo "Bienvenue à ifef". (tio signifas "Bonvenon al ifef"). La enhavo de tiu mesaĝo tute ne gravas (temas pri la samaj indikoj, kiujn vi povas legi en la ĉi-subaj linioj). Por malaboni la liston, sendu mesaĝon (enhavo ne gravas) al ifef-unsubscribe/a/yahoogroupes.fr Por skribi al ĉiuj listanoj, sendu mesaĝon al ifef/a/yahoogroupes.fr Pri problemoj, demandoj, ktp., informu nin. Se vi deziras ricevi nur unu mesaĝon tage (la mesaĝoj de ĉiuj mesaĝoj en sama mesaĝo), sendu malplenan mesaĝon al : ifef-digest/a/yahoogroupes.fr Se vi deziras dum kelkaj tagoj ne plu ricevi la mesaĝojn (sen malaboni, ekz. okaze de foresto), por ke ne plen-ŝtopiĝu via skatolo, sendu mesaĝon al ifef-nomail/a/yahoogroupes.fr. Por reveni al normala ricevado, sendu malplenan mesaĝon al ifef-normal/a/yahoogroupes.fr Por legi la arkivigitajn mesaĝojn, vizitu http://fr.groups.yahoo.com/group/ifef/. La arkivojn povas legi nur la listanoj. Se vi ne sukcesos, demandu min (estas iom nesimple :-( ... kaj helpi... mi provos :-)) Atentu ! Kiam vi sendas mesaĝon al la ĉi-supraj adresoj, por ke via mesaĝo estu ĝuste pritraktita de la aŭtomato ("yahoogroupes"); necesas uzi la retadreson, kiun vi uzas en la listo (por ricevi la mesaĝojn,...).

= = = = = = = = = = = = = = = =

Se vi konas homojn, kiuj interesiĝas pri IFEF kaj havas ret-aliron, ankaŭ vi ne hezitu inviti ilin. Ju pli multnombraj ni estos, des pli interesaj estos la diskutoj. Tamen, ĝuste pro multnombreco, ni observu kelkajn regulojn, por ke plej bone okazu la interŝanĝoj. (Temas pri kompilo de kelkaj reguloj aplikeblaj al ĉiuj dissendo-listoj)

Jen do senorde (ankaŭ kun diversaj rimarkoj) :


• La mesaĝoj estu en Esperanto kaj rilataj al IFEF aŭ/kaj al ties landaj sekcioj : ĝeneralaj demandoj, informoj pri okazonta landa kongreso, ideo aplikinda al IFEF, ktp. Aliaj mesaĝoj riskas ne esti akceptitaj.
  
  
• Ĉi tiu listo povos ricevi debatojn tamen relative limigitajn laŭ ritmo kaj nombro de mesaĝoj. Ja se 20 debatemaj homoj sendos po 2 mesaĝojn tage... kalkulu kiom da mesaĝoj... tage kaj semajne... (por debatemuloj, eblos krei apartan liston).
  
  
• Se estos kelkaj fuŝaĵoj, bonvolu antaŭpardoni al la komencanto-administranto. :-)
  
  
• Por malhelpi nevolajn erarojn kaj por kontroli ĉu la mesaĝ-enhavoj rilatas al la listo, ĉiuj mesaĝoj estos submetitaj al aprobo. Pro tio, inter sendo kaj ricevo en la liston povas pasi kelkaj horoj.
  
  
• Rekomendo : konsciu, ke tro multaj aŭ/kaj tro longaj mesaĝoj ne estos legataj ĝis la fino... Mallonga mesaĝo havas pli fortajn ŝanĉojn ricevi reagojn...
  
  
• Provu ne pritrakti 10 malsamajn temojn en sama mesaĝo. Vi pli efike kaptos la intereson per 10 mallongaj mesaĝoj pri 10 malsamaj temoj. Provu do limigi la enhavon de viaj mesaĝoj al unu temo kaj indiki ĝin sufiĉe klare en la temlinio kaj ankaŭ je la komenco de via mesaĝo. Ideala longeco estas inter 10 kaj 30 linioj.
  
  
• Provu ne fari abruptajn mesaĝojn ekz. : "Nepre vizitu tiun novan mirindan TTT-ejon!" kun adreso http://...ktp. Vi ja povas skribi pri TTT-ejoj kaj citi adresojn sed necesas ankaŭ doni minimumajn informojn en via propra mesaĝo. Konsciu, ke plejmulto el la Interret-uzantoj neniam konsultas TTT-paĝojn kaj nur uzas retpoŝton.
  
  
• Bonvolu sendi viajn mesaĝojn laŭ formato de simpla teksto. Koloroj kaj similaj beligaĵoj estas vaste uzataj en TTT sed nebone traktataj de multaj mesaĝiloj. Por reliefigi vorton aŭ frazon vi povas uzi rimedojn kiel _tiun_ aŭ *tiun-ĉi* aŭ ankaŭ MAJUSKLIGON.
  
  
• Por malhelpi la dissendon de virusoj en la liston kaj la sendon de tro pezaj mesaĝoj, la kunsendaĵoj ne estas permesataj kaj estos aŭtomate forviŝitaj. Se vi deziras dissendi dokumentojn, anoncu tion al la administranto, kiu eventuale instalos ilin en la IFEF-TTT-ejon. Via dokumento estos tiel pli vaste kaj daŭre konsultebla. Vi povos ankaŭ kompreneble sendi ĝin retpoŝte al tiuj, kiuj petos de vi.
  
  
• La supersignitaj E-aj (kaj alilingvaj :-)) literoj plu estas problemoj por la retpoŝto. Estas preferinde ne uzi ilin kaj uzi la x- aŭ h-metodojn. (cx gx... ch gh...).
  (aldona grava rimarko : la diskutoj pri la supersignaj E-literoj NE rilatas al la IFEF-retlisto. Se vi deziras diskuti pri tiaj temoj, vi estas petataj krei vian propran liston).
  
  
• Normale, kiam vi respondos al mesaĝo, en plej multaj mesaĝiloj vi konstatos, ke via mesaĝo respondos nur al la sendinto de la mesaĝo, al kiu vi respondas. Tio estas intence farita por malhelpi svarmon de personaj diskutoj en la listo. Se vi tamen deziras, ke ĉiuj vidu vian respondon, vi devos alklaki sur "respondu al ĉiuj" kaj forigi la adreson de la sendinto, por ke li ricevu dufoje vian mesaĝon.
  
  
• En via propra mesaĝo, provu ne lasi la tuton de la mesaĝo, al kiu vi respondas, precipe se tiu ĉi estas longa. La plej bona metodo konsistas el konservi nur la partojn, al kiuj vi respondas kaj skribi vian tekston tuj poste (paragrafon post paragrafo).
  
  
• Ĉiu konsciu, ke la mesaĝojn ricevos kelkdek(cent?) homoj ! Gravas do eviti malĝentilajn sintenojn kaj respekti, kion oni nomas en Interreto la "retetiketo" : ĝi konsistas plejparte en reguloj de ĝentileco kaj respekto al aliaj.
  
  
• Ne hezitu demandi la retlist-administranton pri io ajn.

Lasta ĝisdatigo

2003-07-01