emblemo de IFEF - ifef.netifef.net (movbildo de pasagxer-trajno)FISAIC, Fédération Internationale des Sociétés Artistiques et Intellectuelles de Cheminots
I F E F - Internacia Fervojista Esperanto-Federacio

Hejmpaĝo > Diversaĵoj > Konstruado de ĉina-tajlanda fervojo startos en oktobro

Konstruado de ĉina-tajlanda fervojo startos en oktobro


La novaĵ-agentejo Xinhua raportis, ke la registaro de Ĉinio kaj tiu de Tajlando intencas subskribi la kadran interkonsenton pri la kunlaboro de konstruado de ĉina-tajlanda fervojo en la unua tagdeko de septembro, kaj la ekkonstrua ceremonio okazos en la fino de oktobro.

Ĉinio planas kompletigi la fervojon en tri jaroj. La fervojo profitigos la du popolojn kaj multe faciligos la veturadon. La prezo de trajnbileto por la vojaĝo inter Kunming kaj Bangkoko kostos ĉirkaŭ 700 juanojn, preskaŭ duono de la prezo de la vojaĝo per aviadilo, kaj la kosto de la fervoja varotransporto estos naŭono de la aviadila. Oni prognozis, ke la fervojo ĉiujare alportos al Tajlando du milionojn da ĉinaj turistoj kaj faciligos al Tajlando la eksporton de agrikulturaj produktoj. Ĝi fariĝos trafika nodo de Tajlando kaj la membroj de la Asocio de Sudorient-Aziaj Landoj.

La fervojo kun la totala longo de 867 kilometroj estos grava sekcio de la planita tut-eŭrazia fervojo. Norde ĝi estos ligita kun Vjentjano de Laoso kaj rekte kondukos al Kunming, kaj sude ĝi estos ligita kun Malajzio kaj Singapuro. Laŭ interkonsento de la du flankoj, la dezajnita rapido de la veturado laŭ la fervojo estos 180 kilometroj hore.

Redaktoro : Liu Zijia El popola Ĉinio


Observi funkciadon de la retejo RSS 2.0 | .Retejo realigita per multlingva SPIP SPIP | skeleto | Mapo de la retejo