![]() | ![]() | ![]() |
I F E F - Internacia Fervojista Esperanto-Federacio |
El mesaĝo de Zoran Ćirić (UEA-delegito por Niš), plusendita de IFEF-ĉefkomitatano Jindřich Tomíšek.
La fotoj montras bonvenigan ŝildegon, kiu estas videbla super la ĉefa enirejo de la fervoja stacidomo de urbo Niš, en Serbio. La origina ideo estis ke ĝi bonvenigu la gastojn de lasta jarkunveno... sed ĝi restas kaj nun bonvenigas ĉiujn fervoj-pasaĝerojn, kaj Esperantistojn kaj ne-Esperantistojn. Krome, ĝi informas pri la FES "Mile Velićković" (Fervojista Esperanto-Societo).
Zoran Ćirić, komence de marto 2010, informas, ke la kunlaboro kun la Niŝa fervojista stacidomo daŭras kaj la kunvenoj momente okazadas en la stacidoma solena salono, kie regule okazas ankaŭ regulaj jarkunvenoj de la societo.